ابراج - إبراهيم طيار

الحمل:
لا تتخانق مع حماتك هذا الأسبوع فالجماعة أخبرونا أن حماتك قد رخصت مسدساً حربياً من عيار 9 ملم وهي تنتظر منك كلمة هيك ولاّ هيك لتجعلك في خبر كان عاملها برفق ولين واعزمها على حفلة كش وشوي في مزرعتك وعندما تتأكد من أنها أمنت منك عالأربع وعشرين وقالتلك:إنا معتبرتك بسعر ابني .. مد ايدك على شنطتها ..طالع المسدس وقوسها براسها سبع رصاصات ...تعاطف مع دراكولا
الثور :
إياك أن تصدقي زوجك إذا أخبرك أنه يحبك ...فقد شاهده مراسلنا في الوظيفة يطق حنكاً مع إحدى الموظفات , وإذا بقيت هيك متل الأطرش بالزفة فستحصلين قريباً على لقب - مرتوا القديمة - وإذا أمعنت في التطنيش والطيلسة فستجدين نفسك في بيت أهلك بصفة - حردانة - وإذا بقيت مطنشة ومنعمي على قلبك فسوف تلحق بك ورقة الطلاق إلى منفاك ...وعندها طقي وموتي...أوف بتستاهلي
الجوزاء :
إذا صرخ مديرك في وجهك فلا تغضب ...فهو يريد مصلحتك والشغل لازم يمشي ...وإذا بهدلتك زوجتك لقلة المصروف فلا تحزن ...معها حق المخلوقة بدها تعيش ..وإذا قبّل إبنك المهذب يدك بكل لباقة وطلب منك مصروف الاسبوع لا تزعل ...قوم حمي إيدك وخبطوا كف على وشّوا وقلوا ...لعمى بعيونك لعمى منين بدي لحلقكن مصاري منين
السرطان :
سياسة حط بالخرج التي تتبعها لمواجهة مصاعب الحياة لم تعد تجدي فالخرج لن يتسع لأكثر من مصيبتين إضافيتين . وبما أن مصائبك صافّة عالدور فليس أمامك إلا واحد من حلين : فإما أن تشتري خرجاً واسعاً يليق بحجم المرحلة . وإما أن تتبع سياسة أكثر مرونة من حط بالخرج ...كسياسة طنش تعش تنتعش مثلاً
الأسد :
ليش مزعل حالك ليش ...يازلمة الدنيا كلها مابتسوى قشرة بصلة . شغل هالدش لقلك وتابعلك شي مسلسل مكسيكي وسكنلك شهرين زمان بخليج أكابولكو ...كول موز ببلاش وشراب كوكا كولا ببلاش ..وحب روزاليندات وتشابيلات على كيفك ..ورقوص مع بريتني سبيرز على كيفك...صدقني الدنيا كلها مابتساوي قشرة بصلة
العذراء :
يفهم المذنب هالي سبب حزنك ولكنه يوصيك بالصبر كحل لتفادي شي جلطة تودي بحياتك ...استفد من تجارب الصينين ومارس اليوغا أو استفد من تجارب الأمريكان و صيّف بكندا أو استفد من تجارب الحشاشين وضربلك كم صاروخ حشيش ولكن إياك ثم إياك أن تستفيد من التجارب العربية في ممارسة الصبر ...فجميعها تنتهي بالجلطة على أقل تقدير
الميزان:
لا تشطح بأحلامك بعيداً ...ماقلنالك هيك ...احلام ببيت صغير تسكنوا انت ومرتك وولادك ...احلام بوظيفة تخليك ما تمد إيدك لحدا ..احلام بدش ديجيتال ...بطقم كنبايات ...ببراد بالهوا ...منمشّيلك ياها ...بس لهون وحاج ..الله يخليك...
العقرب :
نجم الشمال يراقب وضع خطيبتك عن كثب ويقول لك: إذا ماأمنت البيت خلال شهرين ورحت لعندها لتخطفها على حصان أبيض رح يجي أبوها بليلة سودا ليرميلك خاتم الخطبة بوّشك ويقلك : مافي نصيب ...وعندما تحاول أن تشرح له الموقف ...سيخبرك أن ابنته طبقتلها عريس مهبرومشي الحال ...وساعتها لا تنصدم ولا تضرب راسك بالحيط ...روح اتجوز وحدة مليانة ولو كانت أكبرمنك بكم سنة ...وحاجة بقى حب وبطيخ مبسمر...حاجة

القوس :
صرلك خمس سنين وإنت عم تنتظري فارس الأحلام ...وفارس الأحلام عما يأركل عالقهوة ومو طالع بإيدو شي ...روحي خانقي أبوكي منشان يشتريلكن بيت ويخلصكن من هالشغلة بقى ...لكان فارس الأحلام ليش خطبك ...فرحان على جمالك ست الحسن

الجدي :
الفلك زعلان منك كتير ...صرلك أسبوعين مافتحت شباك غرفتك وحطيت كاسيت نانسي عجرم لأبن الجيران وهزيّتيلوا برموشك على ضو القمر ...قومي فتحي الشباك وحنّي على هالعواطلي المسكين قومي ...وإذا رسبت هالسنة بالامتحانات ...نحنا ماالنا علاقة تصطفلي منك للفلك..

الدلو :
يشير الفلك إلى أن السعادة ستطرق بابك بعد ثلاث إشارات:
الإشارةالأولى: خروجك في نزهة عائلية مع بيت حماك
الإشارة الثانية: أن تقف حماتك وتنظر إلى السماء ليلاً وتقول: ياالله ما أحلى النجوم
الإشارة الثالثة: أن يهبط نيزك من السماء على رأس حماتك ويساويها خمسين شقفة ...
الحوت :
عليك بمصارحة الطرف الآخر هذا الأسبوع ..قل له أنك لم تحبه يوماً وأنك تمثل دور الحبيب لتلهط ثروته بعد عمر طويل ...قل له أنك قرفان منوّا ومالك طايق خلقتوا ...وقل له أنك ندمان عالساعة اللي جمعتكن تحت سقف واحد وأكيد الطرف الآخر رح يتفهم موقفك ويقوم يرميك من الشباك

البرجاوي إبراهيم طيار
دستور من خاطرو

جميلة جدا وإختيار رائع
شكرا غزه على الموضوع المميز

حلوه بالمره ياغزة
بس مافي شيء للبنونات ؟؟
تسلميلي

شكرا ياغزه على الموضوع الجميل وأكيد ابراهيم الطيار عمل شيء للصبايا ياليت لو موجود تحطيها لنا

الأسد :
ليش مزعل حالك ليش ...يازلمة الدنيا كلها مابتسوى قشرة بصلة . شغل هالدش لقلك وتابعلك شي مسلسل مكسيكي وسكنلك شهرين زمان بخليج أكابولكو ...كول موز ببلاش وشراب كوكا كولا ببلاش ..وحب روزاليندات وتشابيلات على كيفك ..ورقوص مع بريتني سبيرز على كيفك...صدقني الدنيا كلها مابتساوي قشرة بصلة

يسلموا الأيادى ياغزه على الإختيار الجميل وناطرين المشاركات الجميلة

الجدي :
الفلك زعلان منك كتير ...صرلك أسبوعين مافتحت شباك غرفتك وحطيت كاسيت نانسي عجرم لأبن الجيران وهزيّتيلوا برموشك على ضو القمر ...قومي فتحي الشباك وحنّي على هالعواطلي المسكين قومي ...وإذا رسبت هالسنة بالامتحانات ...نحنا ماالنا علاقة تصطفلي منك للفلك..

هذه عجبتني كثير
بانتظار المواضيع الجميلة - شكرا غزه

يسلموا (غزه) على الموضوع والمشاركة

مافي عند عمنا ابراهيم برج الفيل عشان نعرف مصير الستام
تكفى شوفي لنا الموضوع يا غزه

ما يدبر لنا برج النملة قبل لا يعملها للفيل
على الأقل برجنا راح يكون صغير على قدنا
شكرا غزه على الموضوع ورديت كدا عشان الخرطوم قاهرني بالمرة
يدخل خرطومه في كل شيء وفي مالا يعنيه

تسلميلي ياغزه على الموضوع الساخر الجميل
والظاهر ان الأستاذ/ ابراهيم طيار لديه الكثير من هذه المواضيع الجميلة
الى اتمنى انك تتحفينا بيها
شكرا غزة

العقرب :
نجم الشمال يراقب وضع خطيبتك عن كثب ويقول لك: إذا ماأمنت البيت خلال شهرين ورحت لعندها لتخطفها على حصان أبيض رح يجي أبوها بليلة سودا ليرميلك خاتم الخطبة بوّشك ويقلك : مافي نصيب ...وعندما تحاول أن تشرح له الموقف ...سيخبرك أن ابنته طبقتلها عريس مهبرومشي الحال ...وساعتها لا تنصدم ولا تضرب راسك بالحيط ...روح اتجوز وحدة مليانة ولو كانت أكبرمنك بكم سنة ...وحاجة بقى حب وبطيخ مبسمر...حاجة
شي كتير حلو و ظريف .... مشكورة على المعلومات يلي بتخوف إذا هيك بابا بدو يسوي ....
تقبلي مروري .... فوفو ....

موضوع جميل جدا
لى عودة قريبة شكرا لك غزه

» ابراج البنات وصفاتهم ... خلوا بالكم يا شباب
» فيلم عربي رومانسي - الشاعر ابراهيم طيار